القياده

السلام عليكم ورحمة الله وبركاته


تابع المواضيع المساهمه في تنمية وبناء فرد بناء سليما بعد بناءه دينيا بناء سليما

هننتكلم النهارده leadership

عن

ممارسة القياده


قبل ما نتكلم عنها لازم نفرق بين كلمتين مهمين جدا
events
process
الأولى مهمه لاتخاذ القرار
والثانيه مهمه للتغيير

تعالوا مع بعض نفكر كده في الآيه ديه
قال تعالى "لن تنالوا البر حتى تنفقوا مما تحبون"

احنا بنحب ايه؟؟
حاجات كتييييييير جدا في حياتنا الدنيويه
صح؟؟
طب ياترى احنا بنحب الراحه..........أقصد الكسل؟؟
اااااااااااااه
أظن قصدي اتفهم

الهدف من المحاضره ديه هو
تنمية مهاراتك القياديه
ولابد أن تقتنع بالفكره

***************************************************

العناصر

1-التعريف
2-أفكار مغلوطه
3-قيمة القياده
4-مستويات القياده
-------------------------------------------------------------

التعريف

القياده هي القدره على اكتساب أتباع

سؤال
لماذا يتبع التابعون؟؟؟

الإجابه
لتلات أسباب
1-السلطان: خوفا من العقاب
2-المنفعه: طمعا في الثواب
3-تأثير الشخصيه

سؤال
من وجهة نظرك أنهو أحسن 1 ولا 2 ولا 3 ؟؟؟

أنا هاقولك
أكيد انت هاتقول رقم 3 طبعا
بس أنا هاقولك ان الناس مختلفه وطبعهم مش زي بعض عشان كده "القائد المحنك هايستخدم التلاته"
بس طبعا مع مجموعات مختلفه من الناس كل حسب شخصيته وكمان في مواقف مختلفه
والأكيد ان تكون الصفه السائده هي صفة تأثير الشخصيه لأنها هي الصفه الدائمه

بزوال السلطان تزول القياده
بزوال المنفعه تزول القياده
لا تزول القياده ما دام هناك شخصيه مؤثره

**كان رسول الله صلى الله عليه وسلم يستخدم الوسائل الثلاث**

الصفات التي يجب توافرها في القائد؟؟
بعد اجراء دراسات كتييييره على تابعي القاده
اتضح أن التابعون يتبعون القائد اذا توافرت فيه أهم صفتين وهما
الصدق والأمانه
-------------------------------------------------------------

أفكار مغلوطه

زماااااااااان كان عندهم أفكار معينه حول القاده فما هي وما مدى صحتها؟؟

1-القاده يولدون
هل القاده يولدون؟؟
يعني أقصد ان اللي ماتولدش قائد ماينفعش يبقى قائد أبدا

لو السؤال مش واضح ركز في الجزء اللي جاي وبعدين جاوب

أسباب القياده
1-موهبه
2-نماذج قياديه عرف عنها
3-التعلم من القاده
4-رغبة القياده

يعني اتولد موهوب -شاف قاده قصاده - اتعلم منهم - كان عنده رغبة قياده

جاوب على السؤال دلوقتي

2-القياده مهاره نادرة الوجود
أكيد
بس ايه السبب؟؟
قلة التعلم

3-لا وجود للقياده الا مع السلطه
طبعا لأ
والدليل قلناه فوق "لماذا يتبع التابعون"

4-الكاريزما شرط ضروري للقياده
يعني ايه كاريزما؟؟
يعني جاذبيه
الشخص اللي عنده كاريزما دائما يتحدث عن الناس وليس عن نفسه
طبعا هو شرط للقياده بس مش ضروري
قال رسول الله صلى الله عليه وسلم : " ان من البيان لسحرا"

--------------------------------------------------------------------

مستويات القياده

1-الوضع الاجتماعي "المنصب"
يعني "بابا قائد أكيد قائد "لأنه عنده المستوى الأول
وطبعا الأم والأخ الكبير والأخت الكبيره وهكذا

المزايا : بيقى معايا من غير تعب "بحصل عليه من غير مجهود"
العيوب : ما ينفعش استمر كده

2- السماح من الاخرين بالقياده
you can love people without leading them but you cannot leading people without loving them
الناس لم يهتموا ماذا تعرف حتى يعرفوا أنك مهتم
يعني لازم تحب الناس وتهتم بيهم عشان تتنقل للمستوى التاني من
القياده

المزايا : عدم اضطرار الناس أن يكونو أتباع
يعني مش زي المستوى الأول غصب عنهم ممكن يكونو أتباع ليك بسبب وضعك الاجتماعي
العيوب : الحب بيظهر على هيئة كلام ومافيش أفعال أو نتائج

3-الانتاج
لازم تشتغل في مصالح الناس وتظهر نتيجة ما فعلت حتى تنتقل للمستوى التالت

4-التنميه للتابعين
sucess wihout sucessor is afailure
لازم تنمي التابعين وترفع مستواهم معاك

5- أن تصبح رمز
وهذا المستوى لا تدركه الا في نهاية مشوارك القيادي ويمكن يكون بعده ويمكن......
يعني أقصد مش مهم زي اللي فات "توصله أو ماتوصلوش مش فارقه"
------------------------------------------------------------------------

قيمة القياده

leadership is the lid in your life
القياده هي سقف حياتك

توضيح
فريق عمل له قائد
من ضمن الفريق لعيب كوره اعتزل
المهم كله الفريق شغله مش ولا بد
القائد جمعهم وقالهم كده مش هاينفع وخدوا شوية تهزئ
ومن ضمن الكلام القائد استشهد بلعيب الكوره
قال : انتو مش زمان اللعيب اللي مش كان بيلعب كويس كنتو بتستغنوا عنه
اللعيب قال : اه فعلا بس لما الفريق كله مش بيلعب كويس كنا بنغير المدرب

فهمتوا قصد اللعيب ايه؟؟

قال رسول الله صلى الله عليه وسلم " الايمان يزيد وينقص فان لم يكن في زياده فهو في نقصان"
يعني خلي بالك
لو مهاراتك القياديه مش بتعلى يبقى بتقل
لو ايمانك مش بيعلى يبقى بيقل
لو مافيش تقدم يبقى فيه تأخر

يعني من الاخر مافيش حاجه اسمها أنا ثابت"فيه حاجتين(يابتعلى يابتقل)

طب سؤال
لو كلنا هانبقى قاده
مين الأتباع؟؟

هاضرب مثال
ايه رأيك في الطيور المهاجره؟؟
دايما الطيور بتهاجر على شكل حرف v طائر بيبقى قدام والباقي وراه على هيئة الحرف
وجدوا علميا ان كده أسهل بكتير للطيور تقدر بالطريقه ديه تطير مسافه أطول
طيب التعب كله والمجهود كله على مين؟؟
أكيد على الطائر الأول
ايه الحل؟؟؟
الطيور دايما بتبدل في الطريق "يعني الأخير بيطلع الأول وهكذا"

يعني القائد ممكن يبقى تابع في وقت وقائد في وقت اخر
والهدف في الأخر الانتاج وكميته

انا معاكي يا سومه فعلا الموضوع مفيد وبجد شيق

الموضوع جميل بجد ششششششششششششششكرااااااااااااااااااااااا