photoshop training

بسم الله الرحمن الرحيم




من انهاردة ان شاء الرحمن هنبدا مع بعض دورة الفوتوشوب

عشان الانسان يدخل في مجال لازم يكون عارف بعض المقدمات عنه

واقتنع فعلا بالمجال دا وحبه ودا الاهم

علشان الانسان يبدع في مجال او في مكان لازم يكون بيحبه

دايما لازم تحط الحكاية في دماغك

ساعات الحياة بتاخدنا لمجالات واماكن احنا مش مقتنعين بيها

بس هنعمل ايه نسكت

ونقف نتفرج

لأ لازم نكون

in time





دايما لازم نحبب نفسنا في المكان دا عشان نبدع فيه

مش كل شئ ولو كنت مخططله تخطيط احترافي بيتم زي منتا عايز

هيا الحياة كدا بتاخدنا زي مربنا مقدرلنا

وان شاء الله خير



المهم نرجع لموضوعنا تاني الواحد رغي كتير

الفوتوشوب يا جماعة من اهم برامج تعديل الصور والتصميم عامة علي الاطلاق

الفوتوشوب برنامج جميل

سرعان ما بتشوف ناتج ادامك

مش شرط تبقي مبدع عشان تطلع عمل جميل بالفوتوشوب

العالم الاجانب دول ماسبولناش حاجة نفكر فيها

وماشاء الله عملوا كل اللي تتوقعة ومتتوقعوش في البرنامج العبقري دا

وسخرولك كل الادوات في البرنامج دا

وعملوا تطبيقات كتيرة جدا

وكمان شرحوها



البرنامج سهل جدا اننا نتعلمه

تيجي تسألني سؤال

هل مفيش ابداع في البرنامج دا

اقولك أكيد طبعا فيه ابداع

انتا ممكن تشوف تصميمات كتيرة جدا وجميلة جدا

لكن في تصميم معين اول لما تشوفه مبيعديش كدا زي غيره من قدام عنيك

بيبقي فيه فكرة وفيه ابداع وفيه رؤية

هنا بتظهر اهمية المبدعين

انما البرنامج اي حد ممكن يطلع بيه تصميم جامد



ندخل بقي في الشغل

دورتنا اللي احنا عاملنها دي يا جماعة هنتعلم فيها الفوتوشوب من البداية الي الاحتراف بمشيئة الله تعالي

وانا لما بقول دورتنا بقصد اننا كلنا هنستفيد من بعض

وهنفيد بعض ونتعلم من بعض

ونطبق مع بعض

يعني لما نطلب تطبيقات الكل هيطبق

وهفضل اقولها تاني وتالت

كلنا هنتعلم مع بعض

الدورة دي هتفيدني انا شخصيا

اني هبحث وهجمع شروحات من هنا وهنا وهنا ومن عندي

وهستفيد في البرنامج اكتر

ان شاء الله القسم يا جماعة هيبقي اجمل بينا

طول مفي ناس عايزة تكون

In time

ومجال الجرافيكس ده مجال جميل جدا مجال شيك جدا مجال بتشوف فيه ناتج عملك قدامك

خصوصا لما بيعجب الناس



الدورة هتشتمل علي

1- مقدمة عن البرنامج
2- اساسيات البرنامج
3- نقاط ابداعية
4- استخدام الفوتوشوب في سوق العمل المصري والخارجي



اللي عنده اي استفسار يكلمني علي الايميلات الخاصة بيا

Ask_me_love_again@yahoo.com
Love_you_story@hotmail.com

اللي عنده سؤال فني خارج تسلسل الشرح اللي هيبقي في الدورة

يعمله في موضوع منفصل عشان منبقاش بنشرح في حاجة وحد يسألني عن نقطة متقدمة عنها

بالتوفيق يا جماعة

انتظروا البداية

تحياتي

في البداية احنا هنشتغل علي برنامج

Photoshop cs

اللي هوا الاصدار التامن لان فعلا دا الاصدار اللي انا بستريح وانا شغال عليه

طبعا نزلت اصدارات احدث منه بكتير بس لسه متمرستش في الشغل عليها

لو البرنامج مش عندك ممكن تحمله من الموضوع دا

https://forsan4ever.yoo7.com/montada-f47/topic-t2054.htm

او ممكن اي حد يجيبلي فلاشة وانا احطله عليها الفوتوشوب
+ أفضل ملحقات الفوتوشوب اللي انا شوفتها
حاجات غاية في الروعة
حاجات فوق الخيال

Intro

يستخدم الفوتوشوب في مجال التصميمات سواء المطبوعة او واجهات البرامج او تصميم مواقع الانترنت
كما يتميز بالتعامل مع الصور باحترافية عالية

كيفية التعامل مع برنامج الفوتوشوب

لتشغيل برنامج الفوتوشوب

من قايمة البداية

Start > programmes > adobe photoshop cs

التعرف علي واجهة البرنامج
انظر الي الصورة القادمة





يتبع

دلوقتي هنتعرف علي الارقام الموضحة بالصورة

رقم واحد اسمه

title bar

او عارضة العنوان

ودي اللي بيبقي فيها اسم العمل اللي احنا فاتحينة او اللي احنا شغالين عليه

2- menu bar

ودي اللي فيها القوائم الخاصة بالبرنامج وطبعا لو ضغطنا بالزر الايسر للماوس علي قايمة هنلاقيها بتحتوي علي اوامر كتيرة

هنشرحها تفصيلياً فيما بعد

3- tool option bar

ودا مرتبط بقايمة الادوات اللي هيا رقم 5 في الصورة

لانه بيعرض خصائص الادوات

فعند اختيار اي اداة تظهر الايقونات المساعدة لها واللي بتعتبر خصائص لكل أداة وطبعا كل اداة لها

خصائصها اللي بتختلف عن غيرها


4- مساحة العمل

Working area

ودي المنطقة اللي بيبقي فيها الصورة اللي احنا هنشتغل عليها

ولو ظغط مرتين بالزر الايسر للماوس هتظهرلك نافذة open

اللي هتمكنك من انك تفتح اي صورة جديدة وهنتكلم علي نافذة Open اثناء شرح القوائم


5- صندوق الادوات

ودا بيحتوي علي الادوات الخرافية اللي موجودة في البرنامج
واللي بتمكنك من كل شئ والكمال لله وحده وهنتعرف عليها أداة أداة بعد المقدمة مباشرة

6- نوافذ paletes

كل نافذة تحتوي علي العديد من ال tabs

ويمكن فصل ال tabs كل في نافذة مستقله عن طريق الضغط والسحب بالماوس

بجانب كل tab سهم صغير يوضح اضافات لهذه ال tabs كما بالصورة




المشاركة الجاية هنشرح فيها ال tabs وبعدها ندخل علي الادوات مباشرة

دلوقتي ندخل علي الـ tabs الموجودة في ال palettes

1- info
2- navigator
3- layers
4- channels
5- history
6- color
7- swatches
8- styles

1-info




من اسمها باين انها بتوضح معلومات عن مكان السهم علي الصورة

فعند وضع مؤشر الماوس في اي مكان نجد في هذه النافذة احداثيات هذا المكان

ودرجة الالوان بكل من النوعين المسميين
RGB
الاحمر والاخضر والازرق
CMYK
السيان والماجينتا والاصفر والاسود

ويوضح درجة كل لون منهم

2- NAVIGATOR





من خلالها يمكننا تكبير او تصغير الصورة بسحب السهم الصغير الموضح بالصورة ويمكننا التنقل بين اجزاء الصورة عن طريق تغيير مكان المربع الاحمر علي الصورة

ويمكننا ايضا تغيير لون هذا المربع من اللون الاحمر الي اي لون حتي لا يتشابه مع لون الصورة عن طريق الضغط علي السهم الصغير في الاعلي علي اليمين الذي يوجد به خصائص ال TAB ثم اختيار
Palette options وتغيير اللون

يتبع ,,,

3- layers tab

تستخدم للتحكم في ال layers أو الطبقات

فكرة الفوتوشوب يا جماعة في معظم التصميمات

انو عبارة عن طبقات بنجمعها فوق بعضها

يعني لو عندي صورة لتصميم ما مدخل فيها خلفيه ولوجو وكتابة وكدا .. الخ

بيبقي عندي طبقة للخلفية

وطبقة للوجو

وطبقة للكتابة


دا طبعا علي سبيل المثال

والطبقات دي طبعا برتبها فوق بعضها

يعني طبقة الخلفية في الاسفل وفوقها اللوجو وفوقه الكتابة

وكل طبقة طبعا ممكن نعدل فيها

من غير ميبقي فيه ادني تأثير علي باقي الطبقات

ودي الميزة الكبيرة جدا

يعني لما استخدم أداة الممحاة وامسح جزء من اللوجو الخلفية مش هتتأثر وهكذا


ناخد مثال ع السريع لتصميم انا لسه مخلصة دلوقتي

ادي الناتج الاول





ودي صورة الtab الخاصة باللايرز او الطبقات



الطبقات هيا اللي انا مشاور عليها بالاسهم دي

وطبعا الصورة مش جايبة كل الطبقات اللي في التصميم

لسه في طبقات غير دي بس طبعا مقدرتش اظهرها كلها في الصورة



وبنلاحظ علي الشمال جنب كل طبقة ايقونة العين

ودي بتفيد ان الطبقة دي ظاهرة علي التصميم


وطبعا اقدر بكلك شمال اشيل الايقونة دي

وده بدوره هيخفي الطبقة من علي التصميم



وبالظغط علي اي لاير سوف يتغير لون خلفيتها

وده معناه ان الطبقة دي نشطة واي امر هعمله بالبرنامج هيتنفذ علي الطبقة دي فقط


وفي الصورة اللي فاتت اقدر اعرف اي طبقة متنشطة لأن اكيد لون خلفيتها متنشط

يلا نشوف كدا

لقتها خلاص

الطبقة المتنشطة هيا الطبقة السادسة

اللي انا مشاور عليها ومعلم حواليها بدايرة


اتصدق فعلا يا محمد كلامك صح

امال ايه هوا احنا بنهذر


طب دلوقتي واحد ييجي يسألني

لو عايز انفذ امر علي طبقتين في نفس الوقت اعمل ايه ؟

اقوله يا سيدي انتا جيت في جمل

يقولي لأ جيت في تاكس

احنا هنهذر ولا ايه

المهم نرجع لموضوعنا

لو عايز تنفذ امر او مجموعة من الاوامر علي طبقتين أو اكثر في نفس الوقت

ممكن تعمل لينك او ربط بين الطبقتين

بص يلا علي الصورة الجاية دي



شايف العلامة اللي جنب ايقونة العين

هوا دا رمز اللينك

كل اللي هعمله هقف علي طبقة معينة

واجي جنب كل طبقة عايز اربطها بيها واحط علامة اللينك دي جنب ايقونة العين

عن طريق كليك شمال ظريف وبكدا اقدر انفذ الاوامر علي طبقتين او اكثر في نفس الوقت

يعني في الصورة اللي فاتت مثلا انا رابط الطبقة الاولي بالتلاتة اللي تحتها



طب لو عايز افك الربط ؟

نفس الكلام كليك شمال برده واشيل ايقونة الربط اللي جنب ايقونة العين

تمام كدا يا سيدي

100 100

خلاص أوك ندخل علي اللي بعده

ازاي ادلت - احذف - لاير ؟؟؟؟؟

عندك طريقتين

1- كليك يمين عليها واختار delete layer
2- اقف عليها وانشطها واسحبها لسلة المهملات اللي تحت


تحت فين

بص وانتا تعرف



طب متيجي نعرف بقية الايقونات اللي تحت بالمرة


الايقونة الاولي من اليمين زي متفقنا عبارة عن سلة المهملات

يعني اي لاير عايز احذفها بسحبها بالماوس واحطها جوا السلة

الايقونة التانية

اسمها create new layer

من اسمها بتعملك طبقة جديدة فاضية خالص


ممكن انا بقي احط فيها اي حاجة

صورة مثلا

او املاها الوان

او اي حاجة

زي مهنعرف فيما بعد

الايقونة التالتة دي بتعمل حاجة اسمها

fill adjustment layer

هنشرحها فيما بعد

الايقونة الرابعة اسمها

create new set

يعني اعمل فولدر جديد

بصو برده علي الصورة دي





انا ممكن يبقي عندي في التصميم

طبقات كتير

ممكن طبعا اعمل فولدر واجمع فيه طبقات مشتركة مثلا في حاجة معينة

مثلا ممكن اجمع طبقات الكتابة مع بعضها والصور مع بعضها وهكذا

زي منتا شايف

مش عايز فولدرات براحتك

جنب كل فولدر سهم صغير لو ضغط عليه بيظهر محتويات الفولدر ده

بقية الايقونات بتعمل effects معينة

كله هيتشرح بأمر الله اثناء شرح القوائم

والحمد لله رب العالمين

خلصنا التاب الخاصة بالطبقات

يتبع ببقية التابز

اما نشوف التفاعل

,,,

4- channels



خاصة بقنوات الوان التصميم
وهنا في صورة مثلا تستخدم نظام الوان الـ RGB

اي ان هذه الصورة تتكون من ثلاث قنوات لثلاتة الوان
للون الاحمر والاخضر والازرق

وعند الضغط علي اي channel تظهر هيا وتختفي باقي القنوات
ولاظهارهم معاً نضغط علي RGB فتظهر القنوات كلها

ولاخفاء اي منهم نزيل ايقونة العين كما تعلمنا سابقا

وبتحويل نظام الوان الصورة الي النظام cmyk
من قائمة
image>mode>cmyk color



تظهر لنا اربع قنوات للالوان



قناة للسيان واخري للماجينتا واخري للاصفر واخري للأسود

------------------

5- history


تمكنا من التراجع الي خطوات سابقة تم تنفيذها علي التصميم بحد أقصي 100 خطوة

اي انه نستطيع التراجع من خلالها عن عدد من الاوامر التي اجريناها علي التصميم حتي 100 أمر

فاذا حركنا لاير مثلا ثم حذفنا جزءاً منها تظهر لنا عمليه الحركة والحذف في قائمة الhistory





وللتراجع عن عدة خطوات نقف علي الخطوة التي نريد التراجع اليها فيعود التصميم لهذه الخطوة مباشرة
واذا اردنا تثبيت الصورة عن جزءا معيا بعد الوصول اليه
حتي اذا قمنا بتعديل الصورة بعد ذلك واردنا العودة لهذه النقطة في خطة واحدة
نقوم بالضغط علي السهم الصغير في الاعلي يمينا فتظهر لنا القائمة الخاصة بال history
نختار منها

new snapshot




تظهر لنا نافذة نحدد فيها اسما له
ونوع تطبيقة
علي التصميم باكملة full document
او علي الطبقات المرتبطة معا merged layers
او علي الطبقة النشطة فقطcurrent layer





ونختار full document
وبعدها ممكن اعمل 500 تعديل علي التصميم
واقدر ارجع تاني للسناب شوت ده
بس انشطه واقف عليه يتراجع البرنامج عن كل هذه التعديلات مرة واحدة

طب ازاي نلغي اي snapshot :
بسيطة نظغط عليه كليك شمال " ننشطة فيما معناه "
وبعدين من السهم اللي فوق علي اليمين نختار من القايمة delete

طب ازاي الغي كل العمليات اللي في قايمة الـ history
برده كليك شمال علي السهم الصغير فوق علي اليمين ونختار من القايمة
الامر clear history

وبالضغط علي الامر hitory options من نفس القايمة




تظهر لنا بعض الخصائص اتركها لكم كي تكتشوفها
اقروا وترجموا مش محتاجة حاجة يعني

هيا عامة فيها عدد من الاختيارات منها
انوا يعمل سنابشوت تلقائي لما يفتح اي ملف
وكمان ممكن يعمل سناب شوت تاني عند الحفظ
وهكذا

بعد ظبط الخصائص نضغط ok

--------------------------
6- color




تمكننا من تغيير اللون الموجود في مربعي
ال forgrond color
وال background color




عن طريق ظبط الثلاثة الوان
الاحمر والاخضر والازرق

-------------------------
7- swatches




ممكن نختار منها اللون مباشرة من الالوان الكتير المتخزنة فيها

وممكن نحمل اي palette الوان اضافية عن طريق
الضغط علي السهم الصغير في اعلي اليمين

واختيار ال colors الجديدة
وليكن dic color guide





تظهر لنا رسالة تستفسر ما اذا كانت ستستبدل الالوان الموجودة بالالوان الجديدة

نختار append




اي اضافة الجديدة للقديمة دون الاستبدال

وللعودة الي الالوان الاولي فقط

نختار الامر reset swatches
من نفس القايمة
ثم نظغط ok

ويمكننا تغيير طريقة عرض الالوان

فمثلا نختار small list من نفس القايمة او غيرها

------------------------
8- styles





هي عبارة عن مجموعة من الاشكال المعدة مسبقا

ويمكن تطبيقها مباشرة علي اي صورة او تكست " text "

ما عليك الا ان تنشط اي لاير ثم الضغط علي اي شكل تريده فيتم طبيقة مباشرة علي اللاير

--
طب لو عايز اضيف استايلات تانية
عندك القايمة اللي بنتفتحها من السهم الصغير اعلي اليمين

ممكن نختار منها اي استايلات تانية وليكن
buttons




وبالمثل نختار append





كي لا يزيل الاستايلات الاساسية

وبالمثل يمكننا العودة للاستايلات الاساسية عن طريق
اختيار
reset styles
من نفس القايمة


مثال علي الاستايلات




-----------------

يتبع بالادوات

الشغل الحقيقي هيبتدي بقي

wait

- All Copyrights Reserved , 2009 TaLeNtEd @Forsan4Ever.FirstGoo.Com
All Topic Designs By : TaLeNtEd
- TaLeNtEd Non Stop !!!

,,,,

بســــــــــمـ الله الرحـــــمن الرحيــــــــــمـ

دلوقتي بقي هنتكلم عن الادوات وعشان منساش

شرح ادوات الفوتوشوب كلها انا ناقله من عدة مواقع


الأدوات :


ملاحظة هامة : كل اداة بيكون جنبها المثلث الاسود الصغير دا


معناه ان لسا فيه ادوات مخفية
تندرج ضمن نفس الوظيفة يعني لما تدوس عليه بالماوس باليمين حيفتحلك ادوات تانية زي كده مثلا



دلوقتي هعرضلكم شرح الادوات علي هيئة صور انا لقتها وانا بدور علي النت
بس فعلا الشرح فيها ممتاز وفيها مجهود كبير
عسي ان تعم الفائدة


يتبع
,,,,,,

المشاركة الجاية هبدأ بعرض الصور

ومن هنا تنتقل لشرح الأمر father

وهذه أمثلة على تطبيق الدرس ( كل مثال موضح بجانبه الإعدادات التي تم اختيارها حين تنفيذه )

أداة الحشو

سنعمل على اختيار الأداة من شريط الأداوت

ثم سنعمل على اختيار الأعدادات المناسبة من الشريط في أعلى البرنامج ونقوم باستعمال الأداة بالشكل المطلوب

وهذه أمثلة على تطبيق الدرس ( كل مثال موضح أعلاه الإعدادات التي تم اختيارها حين تنفيذه )




*************************




*************************




*************************

الدرس في صورة فلاش

لتحميل الدرس
اضغط كليك يمين علي هذا الرابط
http://www.geocities.com/manderin80/History_Brush.swf
واختار save target as واحفظه علي جهاز الكمبيوتر لديك

لزيارة الدرس في صفحة منفصلة بصورة اوضح تفضل هنا

ماشي يا باشمهندس

انتا تأمر

بس اصل دي اساسيات

اما نيجي للتطبيقات هطلب حاجات كتير

المفروض كل واحد يقرا الشرح وهوا فاتح البرنامج

ويطبق اول باول

واي استفسار انا موجود

وعلي فكرة انا مهتم بجودة الشرح وجايب شروحات جامدة

قابلتني شروحات كتير اوي بس جبت دي

عموما الافضل من دا كله في تعلم الاساسيات

3 اسطوانات عندي

صوت وصورة

عاملهم واحد محترم اوي ربنا يباركله

جودتهم ممتازة من حيث الجودة الشكلية او الفنية

هحاول اجيبلهم لينكات هنا علي المنتدي

واللي عايزهم مني يجبلي فلاشة ويخدهم علطول

عايزين همة انا اتعلمت الاساسيات في اسبوع بس

فين العزيمة

لسه باقي حاجات كتير

--------------

انا هقف لغاية هنا

وهكمل لما تطلبوا

واي استفسار انا موجود

تحياتي

,,,