الدرس التانى فى الجافا (المتغيرات)

انا هقسمها لاجزاء ثابته عشان تتفهم

• byte تستخدم لتخزين الاعداد الصحيحة والتى تتراوح قيمها من -128 الى العدد+127

• 
  

  
  
  • short تستخدم لتخزين القيم الصحيحة والتى تتراوح ما بين الاعداد -32768 الى العدد +32767
    

• integer ودى مداها اكبر من الshort حيث انها تستوعب الاعداد الصحيحة التى تتراوح بين -2.14 بليون الى العدد 2.14 بليون

يعنى مثلا لو قلنا

int a=10;
معنى كده انى بطلب من البرنامج تخزين متغيرصحيح اسمه a وقيمته تساوى 10
طب لو قلت int a=10.5;
اكيد قيمة خاطئة 10.5 كسرى وليس صحيح وبالتالى يحدث خطأ فى البرنامج

مع العلم انه بيخزن القيمة فى حجم من الذاكرة مقداره 4 بايت
معنى كدة انى بعرف البرنامج انى عندى متغير اسمة i حجمة 4 بايت من حجم ذاكرة البرنامج واديله اى قيمة 10 مثلا زى المثال اللى فوق

long ودى اعلى مدى فى الاعداد الصحيحة

وهذا النوع بيخزن القيمة فى حجم من الذاكرة مقدارة 8 بايت

ثانيا نبدأ نعرف انواع المتغيرات الكسرية او العشرية وهى :
float , double

• 
  
  
  
  • float ودة بيعبر عن القيم العشرية اى القيم التى تحتوى على فاصلة عشرية
    
    
  
  float a=1.5;
  معنى كدة انى عندى متغير اسمه a وله قيمة غير صحيحة 1.5
  
  وهذا النوع يخزن الارقام الكسرية فى حجم من الذاكرة مقدارة 4 بايت
  
  
  
  
  
  • double تستخدم ايضا لتخزين الاعداد الغير صحيحة بس الفرق ان مداها اكبر بكتير من ال float
    
    
    
  
  
  
  
  
  
  

double a=1.5;
والنوع دة بيخزن الارقام الكسرية فى حجم من الذاكرة مقدارة 8 بايت (مهم جدااااا)

السؤال بقى هنا هو انا استخدم مين فيهم ومدى كل من
double , float

واقولك بقى انى المدى بتاعهم الاتنين عالى مش مهم تعرفه
س خليك فى المضمون وابدأ عبر بالمدى الاعلى اللى هو ال double
يعنى مثلا انا لو قلت double i=3.5
دة مش خطأ لانى ال 3.5 واقعة فى مدى ال double
وكذلك فى مجال ال float
بالمثل لو العدد كبير مثلا ومش عارف اذا كان فى مدى ميين اعبر بالاكبر لانى العدد كدة كدة بينتمى اليه
انا عن نفسى بعمل كدة
كذلك بالنسبة للأعداد الصيحية بدل ما تحفظ مدى كل واحدة عبر بالاكبر اللى هيا ال long

• بس انا بفضل انى استخدم integer لانى مش معقول انى القيمة اللى انا هعبر بيها دلوقتى هتزيد عن 2.14 بليون يعنى
  تمام
• لا مش تمام لانى لازم اخد فى اعتبارى انى كل نوع بيبقى ليه او بيشغل حجم معين من الذاكرة ولو انا عاوز ابرمج مثلا IC معين يبقى لازم اخد فى اعتبارى حجم البرنامج اللى هينزل على ال IC دى تمام عشان كدة يبقى لازم اكون دقيق وانا بستخدم كل نوع
• بس مؤقتا هنمشى على الكلام اللى انا قلته فوق لحد ما نبدأ نتعامل مع كل نوع ونعرف ازاى نستخدم كل واحد فيهم
  ثالثا القيم الحرفية characters and strings
  بمعنى من اسمها انها بتعبر عن حروف وهى
  char , string
  
  
  • char وتعنى حرف واحد اى انها تصف حرف واحد فقط
    والنوع دة بيخزن فى حجم من الذاكرة مقدارة 2 بايت
    
  
  char b="m"
  ودة معناها انى انا عندى متغير اسمه b وقيمتة الحرف m
  المهم هنا يا ريت نركز لانى الفرق كبير ما بين b ,m
  b دة انا واصفة على انه متغير واديته قيمة m
  ياريت ما نخلطش بين الاتنين
  
  
  
  
  
  
  • string وتعنى سلسلة اى انها تعبر عن سلسلة من الحروف
    
    
  
  بمعنى انى ممكن اعرف المتغير على انه كلمه
  string i="khaled";
  معنى كدة انى عرفت انى عندى متغير اسمه i وليه القيمة khaled
  اذا الان عرفنا ايه الفرق بينها وبين ال char
  الفرق ان ال char بيصف حرف واحد اما string ممكن اصف بيها سلسلة حروف وممكن جمل مثلا :
  string h="my name";
  ملحوظة مهمة جدا جدا جدااااااااااا
  هل انا ممكن اسمى المتغير بتاعى بأى اسم بدل مانا بتعامل مع حروف من الصبح زى i, a, b وهكذا
  الاجابة بالفعل يمكنك
  يعنى ممكن تسمى المتغير بالاسم اللى انت عاوزة يعنى على سبيل المثال
  int sum=10;
  معنى كدة ان المتغير هنا هو sum اللى هو المجموع يعنى
  واديته قيمة وليكن 10
  يا ريت المعلومة تكون وصلت
  نرجع بقى نكمل بقيت الانواع
  رابعا القيم المنطقية boolean
  boolean
  
  
• من اسمها انها بتعبر عن قيم منطقية اى انها تعبر عن true او false فقط
• مثلا لو قلنا boolean finish=true;
  معنى كدة انى عندى متغير منطقى اسمه finih وله القيمة المنطقية true
  وبكدة نكون خلصنا انواع المتغيرات كلها ويارب تكون اتفهمت
  وباذن الله نطبق عليها الدرس الجاى ويارت تزاكرو كويس
  عشان انا بضرب ههههههههههههههههههههههه
  لا متخافوش اى استفسار عن اى حاجة انا فى خدمتكم واتمنى ان يكون شرحى عجبكم بجد وتكون عادت عليكم بالفائدة
  ويا رب الكل يستفيد
• شكر خاص جداا للباش مهندس احمد الطباخ the lion اللى لفت انتابهى انى اضيف حجم كل نوع من الذاكرة
  ياريت تستعدوا جامد عشان الدرس اللى جاى جامد جدا
  واتمنى انى اكون عند حسن ظن الجميع
  اخوكم خالد

[/b][/size]
[/b]

pasha for ever like your brother ,i wait for the second one
thanks
tell your freinds that you are more special also in writting the poetry with arabic language that catch the feelings and touch the hearts with strong words.

ايوه كده يا خالد عايزك تشرف كليتك كمان وكمان

شكر خاص بس ( فين الحاجه الساقعه)
عموما ياريت تواصل والخطوه الجايه البرامج
وفعلا مجهودك رائع
وعلي فكره
حجم الحجات دي مهم جدا انا في الاول كنت بستهتر بيه ولكن فعلا مهم جدا جدافي البرمجه
لان بعض البرامج بتجبرك ان حجمها يبقي صغير وفعلا البايت الواحده بتفرق واللي برمج مايكروكنترولر او ماشابه هيعرف قصدي

شكرا بجدوانتظر من الاسئلة 

PASHA YA PASHA

تسلم والله كنت مستنيك من زمااااااااااان
حمدلله على السلامة
استمررررررر
ومستنين الجديد والدروس القادمة يا مستر

PASHA YOUR BROTHER HANI IN NEW STYL SAY HIIIIIIIIIIIIIIII
I MISS YOUR WRITTING PLEASE COMPLETE YOUR WAY.

خالد ارجوك صوت للاستفتاء اللى فى منتدى قول اللى فى نفسك لنصرة الرسول الكريم(اخوك هانى)

جزاك الله خيرا ونفع بك